Күлкитерапия

RA-img

  


Дағаза:

«Бизлердиң медициналық орай қаладағы ең зоры! Клиентлеримиз бизлерге қайта-қайта айланып келе береди!»

* * * * * * * * *

Жумыстан қайтқан ер ҳаялына бақырды:

– Және аўқат таяр емес пе? Мен ийттей ашпан! Болды, ресторанға кеттим!

– Ҳәй, бес минутқа тоқтап турың!

– Не, бес минутта аўқатты таярлап үлгерермедиң?

– Яқ, кийиниўге үлгеремен.

* * * * * * * * *

Бизлердиң медицина жақсы, тек наўқаслар жаман.

* * * * * * * * *

– Сизиң медициналық мағлыўматыңыз бар ма?

– Әлбетте, бар – «Интерн» фильминиң 126 сериясын ҳәм «Доктор Хаус» сериалының жети сезонын көрип шықтым.

* * * * * * * * *

Дағаза:

Ҳаялымның айдаўшылық гуўалығы жойтылған. Таўып алғанлардан өтиниш, жағып жибериң! Сүйиншиси бар!

* * * * * * * * *

Бир ҳаял күйеўине:

– Ағасы, кеше түсиме кирипсиз. Түсимде маған шырайлы көйлеклер алып берген екенсиз, – депти.

Күйеўи болса күлип:

– Жақсы болсаң, бүгин түсиңде тағыншақлар да алып беремен, – деген екен.

* * * * * * * * *

Кәсиплеслер зыяпатында бир шыпакер тилек сөзин баслады:

– Бул дүньяда биз шыпакерлердиң душпаны жүдә көп...

Сонда биреў гәпти илип кетти:

– Ол дүньяда буннан да көп.

* * * * * * * * *

Бир бас жақсы, еки бас – патология.

* * * * * * * * *

Медицина тараўында және бирнеше жыл усындай «оптимизация» болып турса, саўда орайларында тек вакцинация емес, сондай-ақ майда-шүйде амбулатор хирургиялық операциялар да исленеди еле.

* * * * * * * * *

Хирургтың қолынан ҳәмме нәрсе келеди, бирақ ол ҳеш нәрсе билмейди. Терапевт ҳәмме нәрсени биледи, бирақ қолынан ҳеш нәрсе келмейди. Тек патологоанатом ҳәм нәрсени биледи ҳәм қолынан ҳәмме нәрсе келеди!

* * * * * * * * *

– Туўылған күниңе не саўға етти?

– Дәрўазамыз алдында турған аппақ «Lacetti»ди көрдиң бе?

– Аўа.

– Тап соның реңиндеги футболка!

* * * * * * * * *

– Алло. Бул тез жәрдем бе?

– Аўа, тез жәрдем.

– Балам жазып отырған ручкамды жутып жиберди, тез келиң.

– Яқшы.

– Ал мен оған дейин не қылайын?

– Биз бараман дегенше қәлемде жазып турың.

Ең көп оқылғанлар

Гигиена қағыйдалары

ШАҢАРАҚ БИР МОЧАЛКАДАН ПАЙДАЛАНЫЎЫ МҮМКИН БЕ? Ҳәр бир шаңарақтың өзине тән гигиеналық әдетлери болады. Айырым үйлерде ҳәмме бир мочалкадан пайдаланса, базылары ҳәтте мочалкадан бир мәртеден артық пайдаланбайды. Қайсы жағдай шынында да гигиена көзқарасынан туўры болса, базылары буған тек ғана әдетленип қалған, болғаны. «Шаңарақлық» мочалкадан пайдаланыў қаншелли дурыс? Буған микробиологлар жуўап береди. Гигиена қағыйдаларына гөре, ҳәр бир адамның жеке мочалкасы ҳәм сүлгиси болыўы шәрт. Тис щёткасын айтпаса да болады. Өйткени ҳәр ким өз микробиозы, бактерияларына ийе болып, олар өзи ушын ғана қәўипсиз. Бирақ басқаларға зыян жеткерип қойыўы мүмкин. Биз айырым микроорганизмлер менен «апақ-шапақ» болып жасаймыз. Олар бәрқулла бизиң микрофлорамызда болады. Егер де оған сырттан жат денелер түссе, ортада қарама-қарсылық келип шығады. Бул ақыбетинде қышыма ҳәм бөртпелер сыяқлы қолайсыз жағдайлардан үлкен кеселликлерге дейин себеп болыўы мүмкин. Әдетте мочалка қурғап үлгермейди, себеби ол ҳәрдайым ығал жерде турады. Сол тәризде ол бактериялар, соның ишинде Staphylococcus aureus (алтын рең стафилококк) көбейиўи ушын қолай шараят жаратады. Бул бактерия көплеген кеселликлерди келтирип шығарыўы мүмкин: безеў (угри) сыяқлы жеңил тери инфекцияларынан баслап менингитге шекем. Кеселлик жуқтырыўдың алдын алыў ушын айрықша мочалкадан пайдаланыў, ислетип болғаннан кейин жақсылап жуўып кептириў талап етиледи.

Оптимистлер узақ жасайды

Замира Мадраимова, Нөкис қалалық 1-санлы шаңарақ поликлиникасының улыўма әмелият шыпакери

Шадлық гормонлары туўралы

Шүкирлик етпеймиз…

  

Аёллар саҳифаси

  

ҲАҚЫЙҚЫЙ САЛАМАТЛЫҚ ДЕГЕН НЕ?

Ж. Данебаев

Денсаўлықтың дәрежелери

«Мәмлекетлик медициналық қамсызландырыў механизмлерин енгизиўге байланыслы илажлар ҳаққында»ғы Президент Қарары қабыл етилди

Қурал Жалғасбаевич Камалов, Мәмлекетлик медициналық қамсызландырыў қоры аймақлық бөлими баслығы

Мәмлекетлик медицина қамсызландырыў механизмлерин енгизиў бойынша әмелге асырылатуғын ис-илажлар ҳаққында  МАҒЛЫЎМАТ

ДӘРИ ҚАШАН ЗӘҲӘРГЕ АЙЛАНАДЫ?

Биз түрли кеселликлерге қарсы гүресиўде дәрилерге сүйенемиз. Сол себепли, ҳәр бир шаңарақта  үлкен бе, киши ме дәри қутысы болады. Ҳәтте дәрилер менен емлениўге қарсы адамлардың үйинде де биринши медициналық жәрдемди көрсетиўге мөлшерленген дәри қутысы бар. Олардан ең керек ўақытларда пайдаланып, дәртимизди жеңиллестиремиз. Усы дәри-дәрмақлардың биз билмеген қандай зыянлары бар? Бүгинги тема тап усы ҳаққында…

Категориялар